ခြိမ့်ခြိမ့်သဲသဲ ခြိမ့်ခြိမ့်သဲသဲ သူငယ်ချင်းတို့မင်္ဂလာပွဲ

"we are from different culture but we can communicate through love" သူငယ်ချင်း Asako က အဲ့လိုပြောလိုက်တော့ လက်ခုပ်သံတွေက Queen Victoria Building က The Tea Room ထဲမှာ လျှံလို့သွားပါတယ်။ ကျွန်မဘေးမှာထိုင်နေတဲ့ သူငယ်ချင်း ၂ ယောက်က ငိုကြပါတယ်။ တကယ်ပါပဲ... မနေ့ညက သူငယ်ချင်းတို့ မင်္ဂလာပွဲကတော့ အောင်မြင်စွာနဲ့ပဲ ပြီးသွားပါပြီ။ သတို့သမီး အာဆကို ရဲ့ တမီလ် ဘာသာ အင်္ဂလိပ်ဘာသာ နဲ့ နောက်ဆုံး ဂျပန်လို မိဘတွေကို ကျေးဇူးတင်စကားပြောတော့ သတို့သား Partha က လည်း မျက်ရည်ကျပါတယ်။

သြစတြေးလျဖွား အိန္ဒိယတမီလ် အမျိုးသားနဲ့ ဂျပန်နိုင်ငံက ဂျပန်အမျိုးသမီးလေးတို့ရဲ့ မင်္ဂလာပွဲလေးပါပဲ။ သူတို့နှစ်ယောက် အခက်အခဲတွေကြားက အခုလို မိဘတွေ သဘောတူညီမှုရပြီး လက်ထပ်ဖြစ်သွားတာ ၀မ်းသာစရာပါပဲ။ အချစ်မှာ မျက်စိမရှိဘူးဆိုတာ မှန်နေပြန်ရောနော်...။ သူငယ်ချင်းတို့ ပျော်ရွှင်စွာပေါင်းဖက်ကြပါစေသတည်း ဆုတောင်းရင်း ...

Powered by ScribeFire.

me <<< Life Blogger

You Are a Life Blogger!

Your blog is the story of your life - a living diary. If it happens, you blog it. And make it as entertaining as possible.

What Kind of Blogger Are You?

တေဇာ၄၄ ရဲ့ ဘလော့ကနေပြီး လင့်ခ်တွေ့လို့ စမ်းကြည့်လိုက်တာပါ။ life blogger ဆိုပဲ...။

hololodelolo

မြန်မာပြည်မှာ တစ်လ၀င်ငွေ သိန်းဆယ်ဂဏန်း ရှိနေတဲ့ သူငယ်ချင်းနဲ့ ဂျီတော့ခ် ပြောဖြစ်ပါတယ်။ အော်စီမှာ လေဘာအစိုးရတက်သွားတော့ ငါတို့လို ဆင်းရဲသားတွေ ကောင်းစားတော့မယ် ထင်တယ်ဆိုတဲ့စကားကို သူငယ်ချင်းက ရယ်ပါတယ်။ နင်က ဆင်းရဲသားဆိုတော့ ငါက ဘယ်လိုလုပ်မလဲ ဆိုပဲ။ သူက သူ့ပတ်ဝန်းကျင်မှာ ဆင်းရဲသား မဟုတ်ပါဘူး။ ကျွန်မတို့က ကျွန်မတို့ပတ်ဝန်းကျင်မှာ သဌေးတွေ သွားတဲ့လာတဲ့ စားတဲ့သောက်တဲ့နေရာတွေနဲ့ နိစ္စဓူဝ မအပ်စပ်သူတွေမို့ ဆင်းရဲသားလို့ ပြောလိုက်တာပါ။ ယေဘုယျအခေါ်တော့ လူလတ်တန်းစားပြောရမလား...။

လူလတ်တန်းစားပေမယ့် စိတ်လက်ချမ်းသာနေနိုင်တဲ့ဘ၀မျိုးတော့ မရောက်သေးပါဘူး။ ရုန်းကန်ရဦးမယ်... လှုပ်ရှားရဦးမယ်။ အနည်းဆုံး အိမ်လေးတစ်လုံးပိုင်အောင် မိသားစုလေးကို တင့်တောင့်တယ်တယ် ဖြစ်အောင် ရုန်းနေရသေးတယ်။

အခုရက်ပိုင်းက အိမ်မှာ လူကြီးတွေ ရှိနေလို့ အငြိမ်းစားအပြည့်ရနေတဲ့ ကျွန်မကတော့ ဟိုတွေးဒီတွေးနဲ့ ရင်မောနေရတာတွေကလည်း အများကြီး...။ အလုပ်ကိစ္စတင်ထားတဲ့ စာရွက်စာတမ်းတွေ ပြီးပြတ်ပါ့မလား ဗီဇာကိစ္စအဆင်ပြေပါ့မလား မြို့ပြောင်းဖို့ကိစ္စတွေရော ဘယ်လိုဖြစ်မှာလဲ စာမေးပွဲအတွက်ရော ကောင်းကောင်းပြင်ဆင်နိုင်ပါ့မလား ပြီးတော့ နောက်နှစ် အလုပ်ပြန်လျှောက်ဖို့ကိစ္စအထိကို ပူနေရတော့တာပဲ။ အခုကာလက မုန်တိုင်းတစ်ခုစကာနီး ငြိမ်နေတဲ့ရေပြင်လိုပဲ။ အရာရာက ကောင်းတဲ့ဘက်ရော ဆိုးတဲ့ဘက်ရော တဘက်ဘက်ကို ဆွဲချသွားနိုင်တဲ့ အခြေအနေမှာ စိတ်လက်မချမ်းသာ ဖြစ်ရတာ မဆန်းပါဘူးနော်။

အမှန်ကတော့ ကိုယ့်ရဲ့ ကြိုးစားမှုတွေကို ရပ်ပစ်ဖို့ မသင့်တဲ့အချိန်ပေမယ့် ရသလောက် break ယူမယ်ဆိုတဲ့ မကောင်းတဲ့စိတ်က အနိုင်ရနေတော့ ဖိုရမ်လေးဖတ်လိုက် သူငယ်ချင်းတွေနဲ့ ချတ်လိုက် လုပ်စရာမရှိတော့ ဘလော့ဂ်ဘက်လှည့်လာလိုက်နဲ့ ကွန်ပျူတာရှေ့မှာ အဆီစုတဲ့အလုပ် လုပ်ဖြစ်နေပါလေရော။

ဟိုလိုလို ဒီလိုလိုဘ၀ကနေ မြန်မြန်ကျွတ်မှပါပဲ။

....

Powered by ScribeFire.

Me and my Digital cameras Posted: Thu Nov 01, 2007 (copied from Native Myanmar)

ကင်မရာတွေ အကြောင်းပြောရရင်တော့ စစချင်း ဒစ်ဂျစ်တယ်ကင်မရာဆိုတာ မြင်ဖူးတာ ဆိုနီက ဆိုက်ဘာရှော့ ဘိုးအေလေး တစ်လုံးပါ။ ၂၀၀၁ က အဖေ၀ယ်လာတာ။ အဲ့ဒီတုန်းကတော့ ကွန်ပျူတာထဲကို ပုံလေးထည့် အီးမေးလ်နဲ့ အတက်ခ်ျလုပ်ပြီး ပို့ရတာကို အဟုတ်မှတ်နေတာ...။ (အခုထိလည်း အဲ့လိုပဲ လုပ်နေတုန်းပါပဲ) ပုံထွက်က မကောင်းဘူးမှတ်တာပဲ။ အဲ့ဒီကင်မရာနဲ့ ရိုက်လိုက်တိုင်း ရုပ်ဆိုးလို့ ဆိုင်ဘာရှော့ ဆိုရင် ထပ်ကို မ၀ယ်တော့ဘူး။ ပုံရှာတာ မတွေ့လို့... ပုံမြင်ရတဲ့အကွက်က အပေါ်ကို လှန်ရတဲ့ ကင်မရာမျိုး။

နောက်တော့ ၀က်ဘ်ကင်မ် တွေ သုံးလို့ရတော့မယ်ဆိုပြီး ရန်ကုန်မှာ သတင်းကြားတော့ (တကယ်သုံးလို့မရပါဘူး) ပြေးဝယ်လိုက်တာ ဘန်းကျူ က ကင်မရာ အစုတ်လေး... နောက်မှာ ပုံပြန်ကြည့်တဲ့ အကွက်သေးသေးလေးပါတယ်။ အဲ့ဒါလေးက ၀က်ဘ်ကင်မ် မဖြစ်လိုက်ရပေမယ့် ပိုက်ဆံအိတ်ထဲထည့်သွားပြီး တောင်ရိုက် မြောက်ရိုက် တော်တော် ရိုက်ဖြစ်လိုက်ပါတယ်။

နောက်ပြီး တရုတ်က ကင်မရာတွေ ပေါများလာတော့ အမ်ပီသရီးရော ဗီဒီယိုရော ဓာတ်ပုံရော အသံရော လုပ်လို့ရတဲ့ ကင်မရာအပေါစားလေးတွေ သုံးဖြစ်ပါတယ်။ သူကလည်း သေးသေးကွေးကွေးနဲ့ တော်တော် အလုပ်ဖြစ်ပေမယ့် လက်တုန်သွားရင် ပုံက စုတ်ပြတ်သွားရော...။ သံယောဇဉ်မပြတ်လို့ ဒီကိုတောင် တစ်လုံးသယ်လာပါသေးတယ်။ တော်တော်တော့ အကြမ်းပတမ်းခံတဲ့ ကင်မရာလေးပါပဲ။ လွယ်လွယ်ကူကူပဲ ပုံရှာတွေ့လို့ တင်လိုက်ပါတယ်။

နောက်ပြီးတော့ ယောက်ျားဝယ်တဲ့ ကင်မရာ ကိုဒတ်က တစ်လုံး။ ပုံးထဲထည့်ပိတ်ထားလိုက်တော့ မော်ဒယ်နံပါတ် မမှတ်မိဘူး။ အဲ့ဒီအလုံးလေးက ပုံလေးတွေ မဆိုးပါဘူး။ ဒါပေမယ့် သူက မကြိုက်ဘူးဆိုပြီး နောက်ထပ် ဖူဂျီက တစ်လုံး ထပ်ဝယ်ပါတယ်။ အဲ့ဒီဖူဂျီကြီးကတော့ တော်တော် ရိုက်ဖြစ်လိုက်တယ်။ အခုတော့ သားသားလက်ချက်နဲ့ မမ်မိုရီကဒ်ပျောက်သွားလို့ (၁၆ မက်တစ်ကဒ်က ဘာမှ သုံးလို့မရဘူး) ပင်စင်ပေးထားလိုက်ပြီ။

အဲ့ဒီ ဖူဂျီကြီးကို ကြီးလှချည်ရဲ့လို့ဖြစ်နေပြီး နေရာတကာ သယ်မသွားချင်တဲ့အခါ အဖေရဲ့ ကက်စီယို အိတ်စလင်းမ်လေး ငှားသုံးပါတယ်။ အဲ့ဒီကောင်လေးကတော့ ပုံထွက်လေး ဖွာတာတာ ဖြစ်နေတာကလွဲရင် မဆိုးပါဘူး။ သေးသေးကွေးကွေးလေး ဖြစ်နေတာပေါ့လေ။

အခုတော့ အဲ့ဒါလေးက ဟောင်းနွမ်းနေပြီဆိုတော့ ဟိုတလောလေးကပဲ အီးဘေးက အိတ်စလင်းမ် တစ်လုံးထပ်ဝယ်ဖြစ်ပါတယ်။ လောလောဆယ်မှာ အသစ်ဆုံးဆိုတော့ အဲ့ဒါလေးနဲ့ပဲ လျောက်ရိုက်နေတာ တော်တော်တန်နေပြီလို့တောင် ပြောလို့ရပါတယ်။ သူကတော့ ဖန်ရှင်တွေ အများကြီးပါပြီးတော့ လက်တုန်လည်း ကိစ္စမရှိ၊ ပုံကလည်း ကြီးတော့ ကြိုက်တဲ့နေရာလေးတွေပဲ ခရော့ပ်လုပ်လိုက်နဲ့ ... တော်တော် ကလိလို့ကောင်းနေပါတယ်။ ငွေရောင်တွေ ကြည့်ရတာရိုးလာလို့ အမည်းရောင်ဘက် ပြန်လှည့်ကြပြန်ရော ထင်ပါတယ်။ အငှားကြွား ဓာတ်ပုံလေး တင်လိုက်ပါတယ်။

အခုနောက်ဆုံး ကိုယ်ပိုင်ဖြစ်အောင် ၀ယ်မယ်လို့ ကြံနေတာကတော့ အိုလံပတ်စ်က လွတ်ကျလည်း ဘာမှ မဖြစ်ဘူးဆိုတဲ့ ကင်မရာလေးတွေပါ။ ၂မျိုးကို ဘယ်ဟာဝယ်ရမှန်း မသိဘဲ ချိန်နေတုန်း ရှိပါသေးတယ်။ ပိုက်ဆံဈေးလေးတက်တုန်း ၀ယ်လိုက်မှဆိုပေမယ့် မော်ဒယ်အသစ်နဲ့ ဖန်ရှင်ပိုကောင်းတာနဲ့ကို ရွေးလို့မရ ဖြစ်နေတာ... ။၂ ပုံလုံးတင်လိုက်ပါတယ်။

ပရော်ဖက်ရှင်နယ်လည်းမဟုတ်တော့ ပုံထွက်ရင်ပြီးရော အကြမ်းခံရင်ပြီးရောနဲ့ ကင်မရာတွေလည်း အိမ်မှာ ပွစိထနေပါပြီ။ လွှင့်ပစ်ရမှာလည်း နှမြော... အသစ်ထွက်ရင်လည်း ၀ယ်ချင်နဲ့... အဖြစ်ကဆိုးပါတယ်။

(နောက်ဆက်တွဲသတင်း။ ။ အဲ့ဒီပို့စ်တင်ပြီး တစ်ပတ်ခန့်အကြာမှာ olympus 770sw ကင်မရာကို ၀ယ်ဖြစ်သွားတဲ့အတွက် နောက်တစ်မျိုးပုံကို မတင်တော့ပါဘူး။ အခုထိတော့ olympus လေးနဲ့ အဆင်ပြေနေပါတယ်။ နည်းနည်းလေးထူတာကလွဲရင် အကြမ်းပတမ်းခံတယ်ဆိုတော့ သုံးပျော်တဲ့ ကင်မရာလေးတစ်လုံးပါ။)

Powered by ScribeFire.

Native to Okaped!

နေးတစ်မှာ အမှတ်တရ ရေးခဲ့တဲ့ ပို့စ်လေးတွေကို ဘလော့ဂ်ကိုရွှေ့မလို ကြံစည်နေတာ...။ အခုတော့ အဆင်ပြေသွားပါပြီ။ နေးတစ်မှာရေးတုန်းက ၀င်းကလောနဲ့ရေးခဲ့တာမို့လို့ ဇီးရိုးဟက်ကာရဲ့ဆော့ဖ်ဝဲနဲ့ ၀င်းကလောကနေ ဇော်ဂျီယူနီကုတ်ကို ပြောင်းလိုက်ပြီးတော့ ဒီဘက်ကို ကော်ပီကူးလာတာဖြစ်ပါတယ်။

နေးတစ်မှာ မေးထားတာကို အကြံဥာဏ်ဝိုင်းပေးကြတဲ့ ကိုဘလူးဖီးနစ်စ်၊ စပိုက်ဒါ၊ ကိုကယ်လ်ဗင်နဲ့ ကိုမောင်လှတို့ကို ကျေးဇူးတင်ပါတယ်။

Powered by ScribeFire.

Navman S80 - Posted: Mon Nov 19, 2007 (copied from NativeMyanmar)

ဟိုတလောက ၀ယ်ဖြစ်လိုက်တဲ့ နေဗီဂေတာ အကြောင်း ရေးချင်ပါတယ်။

တကယ်တော့ နေဗီဂေတာ ဆိုတာ လိုအပ်တယ် မလိုအပ်ဘူး အငြင်းပွားနေတာ ကြာပါပြီ။ တနေရာသွားရင် မြေပုံလေးကောက်လှန်လိုက်တာကလည်း မြန်တယ်လို့ ထင်နေတုန်းပဲ။ ဒါပေမယ့် မြေပုံက အလှမ်းမမီတဲ့အခါ မြေပုံအဆက်ကိုရောက်တဲ့အခါ အဆင်မပြေတာတွေ ရှိတာပေါ့လေ။ (ကျန်မကလည်း ကားမောင်းနေတုန်း စာဖတ်ရင် မူးတတ်သေးတယ်။) ပြီးတော့ သူများဝယ်ဖူးပြီးသားတွေ ပြောလိုက်ရင်လည်း မကောင်းတဲ့ အကြောင်းတွေက ကြားဖူးနေတော့လေ...။ ပထမတော့ နော်ကီယာ ဖုန်းမှာ တခါတည်းပါတာကို ၀ယ်မယ်စိတ်ကူးပေမယ့် နေဗီဂေတာ လုပ်မယ်ဆိုရင် ဘက်ထရီက သိပ်မခံဘူးလို့ ပြောကြတာနဲ့။ မြို့ကလည်း ပြောင်းရမယ်ဆိုတော့ မကျမ်းကျင်တဲ့နယ်ဘက်ကျတော့ မြေပုံကြည့်ရမှာ ပျင်းတာရော... အကြွေးဝယ်လို့ရတာရော ... အဲ့ဒါတွေကြောင့် နက်ဗ်မန်း တစ်လုံးဝယ်ဖြစ်လိုက်ပါတယ်။ အက်စ် ၈၀ ပါ။ ကင်မရာပါတွဲပါနေတဲ့ အက်စ် ၉၀ ကိုတွေ့ပေမယ့် ဘယ်လိုအသုံးကျမယ်ဆိုတာ သိပ်တွေးလို့မရတာနဲ့ ပိုက်ဆံချေတာပြိး မော်ဒယ်နိမ့်တာပဲ ယူခဲ့ပါတယ်။

သုံးရတာ အဆင်ပြေလားဆိုတော့ ... မကောင်းတဲ့အချက်က စပြောရရင် ... နံပါတ်တစ်အရေးအကြီးဆုံးကတော့ ကားပေါ်ထဲမှာ ထားခဲ့ရင် စိတ်မချရဘူးဆိုလို့ ဖြုတ်လိုက်တပ်လိုက်လုပ်နေရတာပါပဲ။ ပြီးတော့ သွားနေကျလမ်းတွေမှာ သူနဲ့ကိုယ်နဲ့ ၀ိဝါဒတွေ ကွဲပြားနေတာ...။ ကိုယ်တွေကလည်း ဆိုးပါတယ်။ သူက တိုးလ် ပေးရတဲ့ လမ်းနဲ့ မပေးရတဲ့လမ်း ရွေးလို့ရပေမယ့် ကိုယ်တွေက တိုးလ်ပေးတဲ့လမ်းကို ၂ လမ်းရှိရင် တစ်လမ်းပဲသွားတာ... ပိုက်ဆံကို ကပ်သီးကပ်သပ် ချေတာမျိုးကျတော့ စက်ကလည်းတော်တော် ဦးနှောက်ခြောက်တယ် ထင်ပါတယ်။ သူက ညာဘက်ကပ်ဆို ကိုယ်က ဘယ်ဘက်ကို ကွေ့လိုက်ရော... သူ့ခမျာ အစကနေ ပြန်ရှာရတာပေါ့လေ။ ရှာတာက မြန်တော့ မြန်ပါတယ်... ဒါပေမယ့် မြို့ထဲလို လမ်းတိုလေးတွေကျရင် သူက ပြန်ရှာနေတုန်း ကိုယ်က လျောက်ကွေ့ပြီးတော့ လမ်းကို မတွေ့နိုင်တော့ဘူး ဖြစ်ရော...။ နောက်ပြီး လှိုဏ်ခေါင်းတွေထဲမှာ သူက မမိတော့ အိတ်ဇစ်ကို စာနဲ့ပဲ ပြပါတယ်။ အဲ့ဒါကတော့ သိပ်အဆင်မပြေဘူး... ကျော်သွားရင် ပြသနာတက်မှာ...။

ဒါပေမယ့် အိုဗာအောလ် ပြောရရင်တော့ တော်တော် အဆင်ပြေပါတယ်... မရောက်ဖူးတဲ့ ရပ်ကွက်တွေဆိုရင် သွားမယ့်နေရာကို ကွက်တိ ပြနိုင်တာတော့ လူတော်တော်သက်သာပါတယ်။ (အရင်ကဆို အိမ်နံပါတ်တွေ ပြူးပြဲပြီးဖတ်ရတာလေ)

နောက်တစ်ခုကတော့ လမ်းနာမည်တွေ၊ ရပ်ကွက်နာမည်တွေကို အသံထွက်ပြတာလေးတစ်ခုကလည်း တော်တော် ကြိုက်ပါတယ်။ တချို့ဆို ကိုယ်ကမသိဘဲ စာလုံးပေါင်းဖတ်ပြီး စွတ်ခေါ်နေတာ... သူဖတ်ပြတော့မှ အသံထွက်က တလွဲ...။

...

Powered by ScribeFire.

Testing Scribe fire

ဘလော့ထဲကို ၀င်စရာမလိုဘဲနဲ့ ဘရောက်ဇာကနေ တန်းပြီး ပို့စ်တင်လို့ရတဲ့ scribe fire ဆိုတာကို ညီလင်းဆက်ဘလော့ မှာတွေ့လို့ စမ်းသပ်ကြည့်တာဖြစ်ပါတယ်။ ဒီလိုဆိုတော့ ပိုပြီးလွယ်သွားတာပေါ့။

Powered by ScribeFire.

နင်နဲ့ငါ -၂-

သူငယ်ချင်းရေ...

ဒီနေ့ မထင်မှတ်ဘဲ ငယ်ငယ်တုန်းက ဗီဒီယို အခွေတွေ ပြန်ကြည့်တော့ ငါတို့ ပုံလေးတွေ အမှတ်တရ မြင်ရပြန်ရော။ အချိန်ရဲ့ တိုက်စားမှုတွေကြောင့် အရာရာတိုင်းက ပြောင်းလဲသွားကြပြီလို့ ပြောရမလား။ ငါတို့တွေ ညောင်ဂျိုး လမ်းပေါ်မှာ အပြေးပြိုင်နေကြတာ... ဗိုလ်တဲ ထဲမှာ ထမင်းတွေပုံစားကြတာ ... ပြန်ကြည့်မိတော့ ငါတို့ ကလေးဘ၀လေးကို တော်တော် သတိတရ ဖြစ်မိတယ်။ အဲ့ဒါနဲ့ပဲ ဒီပို့စ်ကို ရေးမိတာပေါ့ဟာ။ အခု ၀တုတ်ကြီး ဖြစ်နေတဲ့ နင့်အစ်ကိုကြီးရဲ့ ငယ်ငယ်တုန်းက ပိန်ညောင်ညောင်ပုံ ... အခု ပိန်ညောင် ဖြစ်သွားတဲ့ နင့်မောင်လေးရဲ့ ငယ်ငယ်တုန်းက ၀၀ကစ်ကစ်ပုံတွေလည်း ပါပါ့။ နင့်အဖေနဲ့ ငါ့အဖေလည်း ဆံပင်တွေ အများကြီး ကျန်သေးတယ်ဟ..။ ငါတို့ အမေတွေကတော့ ဒီပုံပါပဲ။ သြော်.. အဲ့ဒီ အခွေကို နင်နဲ့ငါနဲ့ နှစ်ယောက် အတူတူ ပြန်ကြည့်ဖုိ့မှ အခြေအနေပေးပါတော့မလားဟယ်။

အခုတလော တိုင်းပြည်ကလည်း ပြသနာတွေနဲ့ ရှုပ်ထွေးနေချိန်မှာ ငါတို့ ၁၀တန်းပြီးတုန်းက တွဲတဲ့ သူငယ်ချင်းတွေထဲမှာ နင်တစ်ယောက်ပဲ မြန်မာပြည်တွင်းမှာ ကျန်နေတော့တာ မဟုတ်လား။ ငါတို့ အားလုံး ပြောဖြစ်ကြပါတယ်။ နင့်ကို စိတ်ပူတာရော စိတ်မပူတာရော စုံလို့ပါပဲ။ စိတ်ပူတာကတော့ ရှုပ်ထွေးတဲ့ အခြေအနေတွေမှာ ကြားညပ်မှာစိုးတာရော... စိတ်မပူတာကတော့ နင့်ကို ကာကွယ်ပေးမယ့်သူတွေ နင့်အနားမှာ အများကြီးဆိုတာ သဘောပေါက်ပြီးသားမို့ပါဟာ...။

ဗီဒီယိုရဲ့ အစမှာ ရက်စွဲလေးက ပါသေးတယ်။ ၁၉၈၇ မတ်လ ၂ ရက် တဲ့။ ဆိုရှယ်လစ်ခေတ်က တောင်သူလယ်သမားနေ့ပေါ့။ နင်နဲ့ငါ ခေတ်အဆက်ဆက် သူငယ်ချင်းအဖြစ် လက်တွဲလာပေမယ့် နိုင်ငံရေးတွေ ငြင်းတိုင်း ဘက်မတူကြဘူးလေ။ အဲ့ဒီတုန်းက နင်က နင်နဲ့နာမည်တစ်လုံးတူတဲ့သူ ဘက်က နေခဲ့တာ မဟုတ်လား။ ငါကတော့ လက်လှမ်းမီရာ စာအုပ်တွေရဲ့ လွှမ်းမိုးမှုတွေနဲ့ပေါ့။ ဒါပေမယ့် ဒါပေမယ့်... နောက်ပိုင်း ခံယူချက်တွေ ပြောင်းလဲသွားလိုက်တာ... အခုဆိုရင်တော့ နင်နဲ့ငါနဲ့ ပြောင်းပြန်ကြီး ဆန့်ကျင်နေကြပြန်ရော ထင်တယ်။

ငါ နင့်ဆီကို ဖုန်းခေါ်မလို့ စဉ်းစားမိသေးတယ်။ ဒါပေမယ့် မခေါ်ရဲပြန်ဘူး။ ဖုန်းလိုင်းတွေရော အခြေအနေရှုပ်နေတာရော နင်နဲ့ငါနဲ့ ဝေးကွာနေတာရောတွေကြောင့်.... နင်အပြင်ရောက်လာတဲ့အခါကျမှပဲ ခဏလောက် စကားပြောဦးမယ်။ သေချာတာကတော့ ငါ ပြောချင်တဲ့ စကားတွေ ပြောမိမှာ မဟုတ်ဘဲ နင်ပြောတာတွေကိုပဲ လိုက်နားထောင်ရဦးမှာပါပဲလေ...။

(စာဖတ်သူများသို့... တကယ်လို့ အချိန်ရခဲ့ရင် ကျွန်မတို့ သူငယ်ချင်း၂ယောက်ရဲ့ ငယ်ငယ်တုန်းက ဗီဒီယိုဖိုင်လေးကို တင်ပေးပါ့မယ်။ မကြာမီ လာမည် မျှော်...)

ရေကြည်ရာ မြက်နုရာ

Job offer ဆိုတဲ့စကားလုံးလေးကတော့ မင်္ဂလာအရှိဆုံး စကားတွေထဲမှာ ပါတယ်လို့ ပြောချင်ပါတယ်။ ပုံပြင်လေးက ဒီလိုကွဲ့...

...............
မနေ့ကရဲ့ မနေ့က

ဘ၀မှာ မျှော်လင့်ချက်တွေ မှောင်အတိကျသွားခဲ့ပြီး ၀မ်းနည်းရတဲ့နေ့... ဘယ်လောက်ပဲ စိတ်ကို အားတင်းထားထား... ရင်ထဲက အစိုင်အခဲတွေ ငွေ့ရည်ဖွဲ့တဲ့နေ့... ဒါတင်မက .... အိပ်မက်ဆိုးတွေနဲ့ လန့်နိုးနေခဲ့ရတဲ့ ကျွန်မဘ၀ အချိန်ပိုင်းလေးတစ်ခု...

မနေ့က

အဲ့ဒီ အဆိုးဆုံးအမှောင်ထုရဲ့အလွန် ... ရောင်နီပျပျလေး လာတဲ့အချိန်... job offer ဆိုတဲ့ ဖုန်းကလေး ၀င်လာတဲ့အချိန်... အရိုးသားဆုံးပြောရရင်တော့ ငြင်းပစ်လိုက်ဖို့ အင်အားမရှိလို့ လက်ခံလိုက်ပါတယ်။

အားလုံးကတော့ မှန်ကန်တဲ့ ရွေးချယ်မှုလို့ အားပေးကြပါတယ်။ ရောက်ရာနေရာမှာ အကောင်းဆုံး အံဝင်ဂွင်ကျဖြစ်အောင် ကြိုးစားရမယ်လို့ ဆုံးဖြတ်လိုက်ပါတယ်။ မြန်မာပြည် တောင်နဲ့မြောက် ၃ ပြန်စာ လောက်ရှိတဲ့ နေရာကို မိသားစုတစ်စု ရွှေ့ဖို့ပြောင်းဖို့ နေထိုင်ဖို့ လုပ်ကိုင်စားသောက်ဖို့ ...

နိုင်ငံတူပေမယ့် အုပ်ချုပ်ပုံစနစ်မတူတဲ့ ပြည်နယ် ၂ ခု... လူဦးရေ အဆမတန်ကွာခြားတဲ့ မြို့ ၂ မြို့... ရာသီဥတု သဘာဝပေါက်ပင်နဲ့ မြေဆီလွှာ.... အရာရာကိုတွေးပြီး ကျွန်မဟာ ထိတ်လန့်နေတုန်းပါပဲ...။

ရေကြည်ရာ မြက်နုရာ... ဘ၀အတွက် သင့်လျော်ရာနေရာမှာ ဆက်လက်ရှင်သန်ဖို့ ... အားအင်တွေ မွေးရဦးမှာပါလား....။ ဘေးနားမှာ အမြဲရှိနေမယ့် ချစ်တဲ့ကို ကတော့ ရှေ့ဆက်လျှောက်ရမယ့် လမ်းတွေကို ရင်ဆိုင်ဖို့ လက်တွဲဖော်ပေါ့....

မိုးသားများကိုလည်း တို့ပျံသန်းလို့သွားနိုင်သားပဲ
ပင်လယ်ပြင်တွေကို အတူတူ ကူးဖြတ်သွားဖို့ ဇွဲနဲ့
ဆုံးဖြတ်ချက်ကိုရဲရဲ အသည်းထဲတွေးထင်ထား
မင်းရဲ့လက်တွေနဲ့ ကိုယ့်ကို မြဲမြဲတိုးဖက်ထား
ကိုယ်စီ ရင်ခုန်သံတွေ မရပ်တန့်မချင်း တလမ်းထဲသွားမယ့် ချစ်သူ
ခရီးသည်ကိုယ်နဲ့မင်း

(လက်တွေ့မှာတော့ သားလေးလည်း ပါသေးတယ်။)


တွေ့လိုက် ကွဲသွားလိုက် ကြုံလာသူတွေအများကြီး
နာကျင်တာတွေ ပျော်ရွှင်တာတွေ ခံနိုင်ရည်ကို စမ်းကြည့်
အကောင်းဆုံးဖြစ်အောင်လေ့ကျင့် အဆိုးဆုံးအတွက်ပြင်ဆင်
ရှေ့ဆက်ဖို့အင်အားအသင့် မင်းလေးရှိနေရင်
ကိုယ်စီရင်ခုန်သံတွေ မရပ်တန့် မချင်း
တလမ်းတည်းသွားမယ့် ချစ်သူ ခရီးသွား တို့နဲ့မင်းးးး။


...

တာဝန်

ကိုယ်ဟာ သိပ်ပြီး တာဝန်သိတတ်တဲ့သူတစ်ယောက် မဟုတ်တာကိုတော့ စစချင်းကတည်းက ၀န်ခံချင်ပါတယ်။ တာဝန် ဆိုတဲ့စကားကို ငယ်ငယ်က ရုပ်ရှင်လို့ပဲ သိထားခဲ့တာ မဟုတ်လား...။

အခု ဘ၀ရဲ့ လမ်းခုလတ်ကိုရောက်လာတော့ တာဝန် တာဝန် တာဝန် တွေ ပိပိပိ လာပါတယ်။ ဒါတွေကို တနေ့တနေ့ ဖြိုချဖို့ အင်အားတွေ ကုန်ခန်းသွားတဲ့အထိပါပဲ။ အိမ်ထောင့်တာဝန် ဆိုတဲ့ ကြီးလေးတဲ့ အတုံးကြီး တစ်တုံးက ကိုယ့်ကို ဖိချထားတယ်လို့ ခံစားရတယ်။ ကိုယ်နှစ်သက်တဲ့ ဖိုရမ်ဖတ်တဲ့ အလုပ်ကို စွန့်လွှတ်ခဲ့ပြီ။ တိတိပပ မဖြတ်နိုင်သေးပေမယ့် ၉၀% လောက်တော့ ပြတ်နေပြီ လို့ပဲ ပြောရမယ်။ တီဗီ အစီအစဉ်တွေကို ဇိမ်လေးနဲ့ မငေးကြည့်နိုင်တာ ကြာပေါ့...။

ဒါပေမယ့် အလုပ်တွေက ပြီးသွားသလား...။ မြန်မာ အယူအဆအရ မိန်းမလုပ်ရမယ့် အလုပ်တွေ ဆိုတဲ့ အထဲက တစ်ဝက်ကျော် အကုန်နီးပါးကို ယောက်ျားက လုပ်ပေးနေတာ ကြာတော့လည်း အားတုံ့အားနာ ဖြစ်လာသေးတယ်။ ဟင်းအရံလေး တစ်ခွက်နှစ်ခွက် ၀င်ချက်တာကလွဲလို့ ဖြစ်နိုင်ရင် တရုတ်ဆိုင်ကပဲ ၀ယ်စားပြီး ၀ ချင်လည်း ၀ပေ့စေ၊ အချိုမှုန့်တွေ စားမိလည်း ရေသောက်ရုံပဲ လို့ တွေးမိတဲ့ ရက်တွေလည်း များပေါ့...။ အ၀တ်ခြောက်စက်လေး ရှိနေလို့ လျှော်တဲ့ ဖွတ်တဲ့ ခြောက်တဲ့ အလုပ်က လွယ်ပေမယ့် မီးပူတိုက်ရတာက ခက်ပြန်ရော...။ မီးပူအတိုက်ခံချင်တဲ့ အ၀တ်ပုံကြီးက မျက်စ တပစ်ပစ် နဲ့ ကိုယ့်ကို ကြည့်နေတော့ မနေတတ်သလိုတောင် ဖြစ်လာသေး။

သားသားက ကူ ပြီးခွဲ ပစ်နေလို့ ပန်းကန်တွေတော့ သိပ်ဆေးစရာ မရှိတာ တော်သေးတယ် ပြောရမယ်။ စတီးအိုးလေးတွေကို အချိန်ပေးပြီး တိုက်ချွတ်ချင်ပေမယ့် ... အင်း... အချိန် အချိန်။ အိမ်သန့်ရှင်းရေးကတော့ အိမ်လေးတစ်ထွာလောက်မှာကို လက်မလည်ချင်ဘူး။ အိမ်နည်းနည်းများ ကြီးရင် ရန်ကုန်က အမှိုက်ပုံလို ဖြစ်တော့မလားပဲ။ သားလေးက ဖွ တဲ့အရွယ်ဆိုတော့ သိမ်းပေတော့ပဲ။

စာမေးပွဲကနီးပြီ။ စာဖတ်တာ ၁ ပတ် ၃ ရက်။ လုံလောက်ပါ့မလား။ ဒီကြားထဲ အိမ်စာတွေကို အလုပ်ယူသွားပြီး ခိုးဖတ်ရသေး။ အလုပ်ကလည်း တခါတလေတော့ ပျော်ဖို့ကောင်းပါရဲ့။ စာရင်းရှုပ်တဲ့ လူနာတွေလာရင် စိတ်ပျက်တယ်။ တစ်နေ့မှာ ၃ နာရီက ၃ ကမ္ဘာလောက် ကြာသလားမှတ်ရတယ်။

ကိုယ့်ကိုယ်ကို အားမရ ဖြစ်နေတာတွေ ပျောက်အောင် စာအုပ်နဲ့ ရေးမှတ် ၊ အလုပ်တွေ ပြီးအောင် လုပ်ပြီး အခု ၂ ပတ် အကြာမှာတော့ အသင့်အတင့် ကျေနပ်စပြုလာတယ် ပြောရမယ်။ ဒါပေမယ့် ပြသနာက ပြီးမသွားဘူး။ သားလေးက ပိန် နေသလား မသိဘူး။ ရာသီဥတုကလည်း မကောင်းတော့ နေမကောင်း ဖြစ်မှာလည်း စိုးရသေးတယ်။ နောက်ပြီးတော့ သားလေးအဖေ ... အလုပ်က ပင်ပန်းတာရော အိမ်မှာ ပင်ပန်းတာရောနဲ့... ချုန်းချုန်းကျတော့မယ်။ တာဝန်တွေ တာဝန်တွေ...။

မာမီနဲ့ အဖေတို့ နောက်လကျရင် လာလည်ကြမယ်။ သမီးတစ်ယောက်အနေနဲ့ သူတို့ ပျော်အောင် လုပ်ပေးနိုင်ပြီ... တာဝန်ကျေတယ် မဟုတ်ပေမယ့် ... တာဝန်မဲ့ပစ်ထားတာမျိုး မဟုတ်ဘဲ မိဘကို စိတ်ချမ်းသာစေတယ်လို့ တွေးမိပါတယ်။ သူတို့လာရင် လိုက်ပို့ရမယ် တာဝန်တွေ၊ စီစဉ်ရမယ့် တာဝန်တွေ... တာဝန်တွေ ... တာဝန်တွေ...

ဟူး... မောတော့ မောတာပေါ့... ဒါပေမယ့် မမောဘူး။

၁၄ ပေါင် ၁ စတုန်

မနေ့က သူငယ်ချင်းတွေနဲ့ စာဖတ်ရင်း half a stone ဆိုတဲ့ အလေးချိန်ကို ငြင်းကြ ခုန်ကြတယ်။ ကျွန်မကတော့ ငယ်ငယ်ကတည်းက ၁၄ ပေါင် ၁ စတုန် ဆိုတာမှတ်မိနေလို့ စတုန် တစ်ဝက်ဆိုတော့ ၇ ပေါင်။ ၂.၂ နဲ့ စားလိုက်ရင် ၃ ကီလို ပတ်ဝန်းကျင်ရမှာပဲ လို့ ပြောလိုက်တယ်။

မယုံသူတွေ ရှာကြဖွေကြရင်းနဲ့ မှန်သွားလို့ အံသြနေကြတယ်။ မက်ထရစ် စနစ်နဲ့ ကြီးပြင်းလာတဲ့သူတွေအတွက် ဗြိတိသျှစနစ်က တော်တော်ခက်ပုံရတယ်။ ကိုယ်တွေကတော့ ငယ်ငယ်က ဒါတွေပဲ ဖန်တရာတေအောင် တွက်ခဲ့ ကျက်ခဲ့ရတာ မဟုတ်လား။ ဒီလောက်လေး မှတ်မိနေသေးတော့ သုံးလို့တော့ ရတာပေါ့လေ။

ကျွန်မတို့ကတော့ စနစ်နှစ်ခုကြားမှာ ဟိုမရောက် ဒီမရောက် ဖြစ်လာတော့ ၁ မီတာဆိုရင်လည်း ၁ ကိုက်လောက်တော့ ရှိမှာပဲလို့ မှတ်ထားရတယ်။ olympus က ကင်မရာလေး ၀ယ်မလို့ သွားကြည့်တော့ ၅ ပေ အမြင့်က လွှတ်ချလို့ရတယ် ဆိုပြီး ရေးထားတယ်။ မက်ထရစ်စ် ပဲ သုံးတဲံ အရပ်မှာ ၅ ပေ ဆိုပြီး လူတွေကို နားလှည့်ပါးရိုက် လုပ်ချင်ဇောနဲ့ ရေးထားတာလား မသိပါဘူး။ ကျွန်မတို့ကတော့ ၅ ပေ ဆိုတော့ လူတစ်ရပ်ပေါ့ဆိုပြီး ချက်ချင်း သိလိုက်တာပဲ။ (ကိုယ့်အရပ်နဲ့ ပြောတာပါ။ ဒီမှာ လူတွေက ၆ ပေကျော်ကြ မလား မသိဘူး။)သူတို့ အရပ်တွေကို မီတာနဲ့ ပြောရင် မမှန်းတတ်ဘူး။ ကိုယ့်အရပ်ကလည်း ဘယ်နှမီတာ ရှိနေမှန်းကို မသိပါဘူး။


၂ ပိုင့် ၁ ကွတ်၊ ၄ ကွတ် ၁ ဂါလံ ( ၁ဂါလံမှာ ၄.၅ လီတာ)

၁၂ လက်မ ၁ ပေ
၃ ပေ ၁ ကိုက်
၂၂ ကိုက် ၁ သံကြိုး
၁၀ သံကြိုး ၁ ဖာလုံ
၈ ဖာလုံ ၁မိုင်
(၅၂၈၀ ပေ= ၁၇၆၀ ကိုက်= ၁ မိုင်= ၁.၆၀၉ ကီလိုမီတာ)

၁၆ အောင်စ= ၁ပေါင်
၁၄ ပေါင်= ၁ စတုန်
၂ စတုန်= ၁ ကွာတ
၎ ကွာတ= ၁ ဟန်ဒရိတ်
၂၀ ဟန်ဒရိတ် = ၁ တန်
(၂.၂ ပေါင်= ၁ ကီလို။ ၃.၆ ပေါင်= ၁ ပိသာ၊ ၆၂ကျပ်ခွဲသား = ၁ ကီလို)

မြန်မာ့ရိုးရာ အတိုင်းအတာ တွေနဲ့ ဆက်စပ်လို့ ... ထူးထူးဆန်းဆန်း တို့မြန်မာတွေနှယ်... ပြောရဦးမယ်။ မြန်မာပြည်မှာဆန်ကို ပြည်တောင်းနဲ့ ချိန်တယ်။ ထုထည် ကို တိုင်းတာပေါ့နော်။ ဒီမှာက ကီလိုနဲ့ ချိန်တယ်။ အလေးချိန်ကို တိုင်းကြတယ်။ ဆိုတော့ ကျွန်မလည်း ထုထည်နဲ့ အလေးချိန်ကို မဆက်စပ်တတ်ဘူး ဖြစ်နေတယ်။ မြန်မာပြည်က ဆန်စက်တွေမှာ တန် နဲ့ ချိန်ကြတာတော့ မှတ်မိတယ်။ ဘယ်လိုတွက်လဲ မသိဘူး။ သိရတဲ့အခါကျရင် လာပြီး Update လုပ်ပေးပါ့မယ်။

နောက်တစ်ခုက ဆီ။ ဆီကို မြန်မာပြည်မှာ ပိသာ နဲ့ချိန်တယ်။ တစ်ပိသာ ဘယ်လောက် ဆိုပြီးတော့ အလေးချိန်နဲ့ တွက်တယ်။ ဒီမှာက လီတာ နဲ့ ထုထည်ကို တိုင်းတယ်။ တော်တော် တွက်ရခက်တာပဲ။

ကျန်တဲ့ ခရမ်းချဉ်သီး သရက်သီး ချဉ်ပေါင်ရွက် စသဖြင့်က မျက်စိနဲ့ မှန်းတတ်တယ်။ ဆန်နဲ့ ဆီကျတော့ မှန်းရခက်သလိုပဲ။ တစ်သက်လုံး မှတ်လာတာက တစ်မျိုးလေ... နို့ဆီဗူး ဘယ်နှလုံးဆို ဘယ်နှကီလို မှန်းကို မသိတော့ဘူး။

...............

တလမ်းတည်း အတူ လျှောက်ခဲ့ကြသူများ အကြောင်း

လူ့လောကမှာနေတာလည်း နှစ်ပေါင်းများစွာကြာပြီဆိုတော့ လျှောက်ခဲ့ရတဲ့ လမ်းတွေလည်း မိုင်တော်တော်များပြီ... ကျွန်မရဲ့ ခြေလှမ်းများစွာမှာ အတူလိုက်ပါခဲ့ဖူးတဲ့ ဖိနပ်လေးတွေ အကြောင်း မှတ်တမ်းတင်ချင်လို့ ဒီပို့စ်လေးကို ရေးဖြစ်ပါတယ်...။

ဖိနပ် အရမ်းကြိုက်တဲ့ အကြောင်း စပြောရင်တော့ ကျွန်မ ၂ နှစ်သမီးအရွယ်လောက်က စစ်ကိုင်းမြို့နေ စပြောရမှာပဲ။ ညနေခင်းတစ်ခုမှာ အိမ်နီးချင်းတွေနဲ့စုပြီး တနေရာကိုသွားကြတော့ ဒေါက်ဖိနပ်အနီလေး တစ်ရံနဲ့ သိပ်ပြီး စိတ်ကြီးဝင်နေတဲ့ကျွန်မက ချော်လဲပါလေရော...။ အားလုံးက ဖိနပ်ကြောင့်လို့ ပြောပေမယ့် ကျွန်မကတော့ လမ်းပေါ်က ကျောက်ခဲတွေကြောင့်ပါလို့ အကြောင်းပြခဲ့တယ်လေ။ အဲ့ဒီ ညနေလေးအကြောင်းကို အခုထက်ထိ စွဲစွဲမြဲမြဲကို မှတ်မိနေသေးတာ...။

ငယ်ငယ်တုန်းက စီးဖူးတဲ့ ဖိနပ်လေးတွေထဲမှာ မှတ်မှတ်ရရဆိုလို့ ခုံဖိနပ် အသေးလေးတစ်ရံရယ်... အဲ့ဒီ ခုံဖိနပ်လေးကို ကျွန်မမကြိုက်ပါဘူး။ လူကြီးစီးတဲ့ ခုံဖိနပ်လို ကွင်းထိုး မဟုတ်ဘဲ ဂျပန်ခုံဖိနပ်လို ခြေညှပ် ဖြစ်နေလို့ လူကြီးသိပ်လုပ်ချင်တဲ့ ကျွန်မအတွက် သိပ်ပြီး အဆင်မပြေခဲ့ဘူးပေါ့။ နောက်ပြီးတော့ ကုလားဖိနပ်လို့ ခေါ်တဲ့ ခြေမစွပ် ဖိနပ်လေးတစ်ရံ (အညိုရောင်လေး) ရှိခဲ့တယ်။ နောက်ပြီးတော့ ပြည် နဲ့ ရန်ကုန် နှစ်မြို့မှာ ကွင်းထိုးဖိနပ်လိုချင်လို့ ပြဲပြဲစင်အောင် ရှာပေမယ့် မတွေ့လို့ စိတ်ဆင်းရဲခဲ့ရဖူးတယ်။ အခုခေတ်ကျတော့လည်း ကွင်းထိုးဖိနပ်တွေက ပေါ်လိုက်တာ ... ကလေးတွေ ကံကောင်းကြတယ်။

အဖေက ပြင်ဦးလွင်ကနေ တောဘွတ် ဖိနပ် အနီလေးတစ်ရံ ပို့ပေးလိုက်တာ သတိရတယ်။ အဲ့ဒီ ဖိနပ်ကို ကျောင်းကို စီးသွားဖို့အထိ ကျွန်မမှာ သတ္တိမရှိခဲ့ဘူး။ ကျွန်မက လူတွေကြားထဲမှာ ထူးခြားထင်ရှားနေမှာကို အမြဲတမ်း စိုးရိမ်နေတတ်တာလေ။

မနက်ဖြန်ဆိုရင်လည်း...

အခုလောလောဆယ် G talk မှာ ရေးထားတဲ့ စာသားလေးပေါ့။ မနက်ဖြန်တွေကိုတွေးပြီး ရင်မောနေမိတာ...။ ဒိုင်ယာရီရေးတဲ့ အကျင့်ကလည်း မရှိ... အကျင့်ဆိုတာ မွေးယူလို့ရတာမျိုးလည်း မဟုတ်တော့ ခက်သား။ ဒိုင်ယာရီတွေ ၀ယ်ဝယ်ပြီး နှစ်တွေသာကုန်သွားတယ်။ မှတ်မှတ်သားသားဆိုလို့ ဘာမှ မကျန်ခဲ့ဘူး။ တခါတလေလည်း အဲ့လို မကျန်တာပဲ ကောင်းတယ်လို့ တွေးမိတယ်။ နို့မို့ အတိတ်ကို တသသ ဖြစ်နေရတာနဲ့ပဲ ရှေ့ဆက်တိုးဖြစ်မှာ မဟုတ်ဘူး။

ဘ၀တစ်ခုတိုးတက်ဖို့ရာမှာ ကံ ဥာဏ် ၀ီရိယ ဆိုတာ အရေးအကြီးဆုံးဆိုပြီး ငယ်ငယ်ကတည်းက ကြွေးကြော်နေခဲ့ဖူးတယ်။ အခုအချိန်မှာတော့ ကံရော ဥာဏ်ရော လုံးပါးပါးနေပြီလို့ ခံစားနေရပြီးတော့ တသက်လုံး အသုံးမချတဲ့ ၀ီရိယကလည်း ဘယ်နားရောက်နေပြီမှန်းကို မသိဘူး။ ကိုယ့်ကိုယ်ကို အားမရဖြစ်ခြင်းတွေနဲ့ပဲ နေ့တွေညတွေ တလှည့်စီ ဖြစ်နေကြသလား။

ဘ၀ဟာ လှေကားထစ်တွေဆိုရင် အထစ်ပေါင်းများစွာတော့ တက်ခဲ့ပြီးပြီ။ ထိပ်ဆုံးကို ရောက်ဖို့နေနေသာသာ ရောက်တဲ့နေရာလေး မြဲအောင် ကုပ်ကတ်တွယ်နေရတယ်။ ဘေးပတ်ပတ်လည်မှာလည်း ကိုယ်လို သူလို ရုန်းကန်တဲ့သူတွေ အများကြီးပေါ့။ အခု အချိန်မှာ အချိန်ရယ် ပိုက်ဆံရယ် နှစ်မျိုးကို ငတ်ငတ်မွတ်မွတ် ဖြစ်နေရတယ်။ အချိန်နဲ့ပိုက်ဆံ မလိုချင်လောက်အောင် ပေါများလာတဲ့အခါ အခုပိုင်ဆိုင်ပြီးသားလေးတွေ မြဲနေဖို့ပဲ ဆုတောင်းရတာပဲ။

ပစ္စုပန်ကို တည့်တည့်ရှု။ မနက်ဖြန် အလုပ်သွားရမယ် ဈေးဝယ်သွားရမယ်. သန်ဘက်ခါ စာကျက်သွားရမယ် အလုပ်သွားရမယ်. စနေနေ့ အလုပ်သွားရမယ် စာသင်သွားရမယ် ညစာသွားစားရမယ် တနင်္ဂနွေနေ့ ... နားရမယ်လို့ မထင်ပါနဲ့ အချိန်ဆိုတာ ခဏလေးကုန်သွားဦးမယ်....ဘ၀... ဘ၀ (တ မိပြန်ပြီ နောက်တစ်ခါ)

ဒီလိုနဲ့ပဲ... ခနော်နီ ခနော်နဲ့ ခြေလှမ်းတွေနဲ့ ဘ၀ထဲကို စမ်းတ၀ါးဝါး တိုးဝင်ခဲ့လာတဲ့ ကိုယ့်ရဲ့ မနက်ဖြန်တွေဟာ ပုံသေကားချပ်ထဲက ရုန်းထွက်ဖို့ တိတ်ဆိတ်တဲ့ပေါက်ကွဲသံအချို့ ပဲ့တင်ထပ်နေပြီး အစိတ်စိတ်ကြေနေတဲ့ မျှော်လင့်ချက်တွေကို မှန်းဆကြည့်နေတုန်း...

သြော်... မနက်ဖြန်ဆိုရင်လည်း...

စနေနေ့လေး အကြောင်း

ကုန်တော့မယ် စနေနေ့လေး... နှမြောတသစွာနဲ့ပဲ နာရီကို ငေးနေမိတယ်။ မျှော်နေသူတစ်ယောက်က ပြန်မရောက်လာသေး။ သားလေးကတော့ အိပ်သွားပြီ။ ကြော်ထားတဲ့ပုစွန်တွေလည်း အေးလောက်ပြီ။ လူလည်း ပင်ပန်းနုံးချိပြီး ရူးချင်နေပြီ။

မနက်က စောစောစီးစီး သားလေး နိုးနေတော့ အိပ်ရေးကပျက်၊ အလုပ်သွားတော့လည်း စိတ်ကမပါ၊ နေ့လည်စာက ၀က်သားမျှစ်ချဉ် တက်စာ၊ နေ့လည် မchris ရဲ့ လက်ချာမှာ တ၀ါးဝါး သမ်းလို့။ ပန်းကန်ထဲက လဘက်သုတ် နဲ့ ရေနွေးပန်းကန်ရယ်၊ ခေါင်းလှည့်ကြည့်မှ မြင်ရတဲ့ တိုင်ကပ်နာရီရယ်ကိုပဲ မျက်လုံးက ရောက်နေတော့တာ။ အပြန်မှာ vietnamese pork roll လေး ၂ လိပ်လောက် ၀ယ်စားမယ့် အစီအစဉ်ကလည်းပျက်၊ အိမ်ကို အပြေးတစ်ပိုင်းနဲ့ ပြန်လာရတာ....

အင်း... ပို့စ်လေးရေးနေရင်းနဲ့ သားလေးက ခဏနိုးလာလို့ ပြန်သွားသိပ်လိုက်တာ... ယောက်ျားပြန်လာတဲ့အထိပဲ။ အမှတ်တရဖြစ်အောင် ပို့စ်လေးကို ဆက်မရေးဘဲ ထားလိုက်တယ်။ ဆက်ရေးချင်တဲ့ အကြောင်းတွေကတော့ အိမ်ပြန်ရောက်တော့ ယောက်ျားက ကားသော့ကို ကိုင်ပြီး လူတစ်ခြမ်းက အိမ်ပြင်ထွက်နေပြီ။ သားလေးက အိပ်နေတုန်း မို့ အ၀တ်လဲမယ် နားမယ် စားမယ် စဉ်းစားတုန်း သူ့အဖေ တံခါးပိတ်သံနဲ့အတူ နိုးထ လာ။ အိပ်ရေးကလည်း ခပ်၀၀ ဆိုတော့ ပြန်သိပ်လို့လည်း မရ... တညနေလုံး လုံးလည်ချာလည် လိုက်နေတာ။ သူပြန်အိပ်သွားမှ ပုဇွန်လေးပြေးကြော် ... ည၁၁ ထိုးခါနီးမှပဲ ဟင်းချက်နိုင်တဲ့ အဖြစ်။

၀၇၀၇၀၇ သူများတွေအတွက် လပ်ကီးဖြစ်ချင်ဖြစ်မယ်။ ကျွန်မအတွက်တော့ ဘီးဇီး လို့ ပြောရမလား...

ကြီးလာရင် ဘာလုပ်မှာလဲ။

ယောက်ျားနဲ့အတူ မနေ့ညက wimbledon tennis ကြည့်ကြတယ်။ Australian Open တုန်းက စထားတဲ့ ဇာတ်လမ်းက ပြန်ဆက်လာပြန်တယ်။ သူက သားလေးကို professional tennis player ဖြစ်ဖို့ပါရမီများပါခဲ့ရင် ဖြစ်စေချင်တယ်တဲ့။ ကျွန်မကတော့ လက်မခံနိုင်ပါဘူး။ ကမ္ဘာ့အဆင့်(၁) ရခဲ့ဦးတောင် ကြာကြာမြဲနေဖို့ဆိုတာ လွယ်တာမှမဟုတ်ဘဲ။ ပြီးတော့ ကျွန်မက သားလေးကို အားကစားသမားတို့ အနုပညာရှင်တို့ ဘယ်တော့မှ မဖြစ်စေချင်ပါဘူး။ သူများကို entertain လုပ်တဲ့သူတစ်ယောက် အဖြစ် အသက်မမွေးစေချင်ပါဘူး။

ဘောလုံးသမားဖြစ်ဖို့ထက် ဘောလုံးပွဲကို ကြည့်တဲ့သူဖြစ်တာ ပိုကောင်းမယ်လို့ ထင်ပါတယ်။ ကွင်းထဲဆင်းပြီး နေပူကျဲတဲမှာ ချွေးသံတလုံးလုံးနဲ့ ပိုက်ဆံရှာနေရတာကို မီလျံနဲ့ပဲ ချီရရ ကျွန်မကတော့ သဘောမတူနိုင်ပါဘူး။ ပြီးတော့ ပညာတတ်အသိုင်းအ၀ိုင်းက ပေါက်ဖွားလာတဲ့သူတွေအနေနဲ့က ပညာနဲ့ပဲ ဆက်ပြီး အသက်မွေးသင့်တယ်လို့ပဲ ယူဆပါတယ်။

နေးတစ်ဖိုရမ်မှာ အခုဆို ဖြူဖြူကျော်သိန်းကို ဝေဖန်ရေးတွေ ရေးနေကြပါတယ်။ အနုပညာ အလုပ်လုပ်ပြီဆို ဝေဖန်တာတော့ ခံရမှာပဲ။ မကြိုက်တဲ့သူက မကြိုက်သလို ပြောလို့ရသလို ကြိုက်တဲ့သူက ကြိုက်သလို မြှောက်စားကြမှာပဲ။ ဒါပေမယ့် ကျွန်မသာ သူ့နေရာမှာဆို ဆရာဝန်အလုပ်ကိုပဲ ရွေးဖြစ်မယ် ထင်ပါတယ်။ အခု ချမ်းသာနေကြတဲ့ အနုပညာရှင် အားကစားသမားတွေက အခုမှ လူကုံထံအသိုင်းအ၀ိုင်းမှာ နေရာရလာကြတာပါ။ ပြီးတော့ သူတို့ သားသမီးတွေ ပညာတတ်ဖို့ကောင်းစားဖို့ ရုန်းကန်နေကြတာလို့ မြင်ပါတယ်။ ကိုယ်တွေက ပညာတတ်အသိုင်းအ၀ိုင်းမှာ နေပြီး သားသမီးကို ပညာအမွေပဲ ပေးချင်ပါတယ်။

အားကစားကို အိမ်မှာ အပျော်သဘော ဆော့တာမျိုးကို မကန့်ကွက်ချင်ပါဘူး။ ခြေဆန့်လက်ဆန့် အညောင်းအညာပြေ မိတ်ဆွေအပေါင်းအသင်းနဲ့ ပျော်ရအောင် ကစားတာ လက်ခံနိုင်ပါတယ်။ နေ့မအိပ် ညမအိပ် အပင်ပန်းခံ ကြိုးစား... ငယ်ငယ်လေးကတည်းက ဒီအားကစားတစ်ခုတည်းကို လုပ်နေဖို့ဆိုတာတော့ ဘယ်လိုမှ သဘောမတူနိုင်ပါဘူး။

သားလေးနားလည်လာမှ သားကြီးလာရင် ဘာလုပ်မှာလဲ လို့ မေးကြည့်ရဦးမယ်။

နင်နဲ့ငါ

ဘုရား ဘုရား... နင့်ကို အိပ်မက်မက်တယ် သူငယ်ချင်းရေ။ အိပ်မက်ထဲမှာ ငါတို့နှစ်ယောက် လွန်ခဲ့တဲ့ အနှစ်နှစ်ဆယ် လောက်ကို ပြန်ရောက်သွားတယ်။ နင်မှတ်မိဦးမလား ဟင်။ ပြည်က နင်တို့ နေခဲ့တဲ့ နှစ်ထပ်အိမ်ကြီးလေ...။ နောက်ဆုံးနေခဲ့တဲ့ ခြံဝင်းလေးနဲ့ တစ်ထပ်အိမ်လေး မဟုတ်ဘူးလေ။ အဲ့ဒီအိမ်မတိုင်ခင်က နှစ်ထပ်အိမ်ကြီး။ အပေါ်ထပ်မှာ နင်နဲ့ငါနဲ့ အတူတူ လေဒီရှူးပုံ အဆွဲပြိုင်ကြဖူးသေးတယ်လေ။ အင်း... အခု အိပ်မက်ထဲမှာ အဲ့ဒီ အပေါ်ထပ်အခန်းမှာ မှန်အကြီးကြီးတစ်ချပ် ရှိတယ်တဲ့။ တကယ်ရှိမရှိ ငါမမှတ်မိတော့ပါဘူး ဟယ်။ အဲ့ဒီမှန်ကြီးရှေ့မှာ ငါတို့နှစ်ယောက်လုံး ဂါဝန်လေးတွေ အ၀ိုင်းလှည့်နေကြတာ။ ထုံးစံအတိုင်း ဘယ်သူ့ဂါဝန်က ပိုကားလဲ ပြိုင်နေကြတာပေါ့...။ ရယ်ရတယ်သိလား အိပ်မက်ထဲမှာ နင်ရောငါရော ပေစုတ်စုတ်လေးတွေပဲ။ အခုလို မျက်နှာပေါ်မှာ အထပ်ထပ်ဖို့ထားတဲ့ ဈေးကြီးကြီး အလှပြင်ပစ္စည်းတွေ မပါဘူးဟာ...။ ငါတို့အဲ့ဒီတုန်းက တော်တော် အပြစ်ကင်းကြသေးတယ်နော်။

အိပ်မက်ကလန့်နိုးလာတော့ ငါတော်တော်လေး နင့်ကို သတိရသွားတယ်။ ဖုန်းဆက်မလို့ စဉ်းစားပေမယ့် မဆက်ဖြစ်ပါဘူး။ နင်က အိပ်မက်ထဲက နင် မဟုတ်သလို ငါကလည်း အိပ်မက်ထဲက အရွယ် မဟုတ်တော့ဘူးလေ။ ဒါပေမယ့် ငါ့ရဲ့ မသိစိတ်မှာ နင့်ကို သတိရနေမိပါလားလို့ ငါတွေးမိတယ်။

...
ဂျပန်ကို နင်နဲ့ အတူတူသွားလည်ရရင် ဘယ်လိုများနေမှာပါလိမ့်လို့ တွေးမိဖူးတယ်။ အဲ့ဒီတုန်းက ငါက ၇တန်း နင်က ၆ တန်းပေါ့။ ငါ့ထက်အမြဲပဲ ကြီးချင်နေတဲ့ နင်ဟာ အသက်အားဖြင့် ၃ လလောက်က ငယ်သေးတယ်။ ငါက ကျောင်းကို တစ်နှစ်စောနေလိုက်တော့ နင့်ထက် တစ်နှစ်ကြီးသလို ဖြစ်သွားပြန်ရော။ နင်အစ်မလို့ ခေါ်ရတဲ့သူတွေက ငါ့သူငယ်ချင်းတွေလေ။ အေး... ထားလိုက်ပါ။ ဒီဂျပန်ကိစ္စက နင်ငါ့ကို အိပ်မက်ပေးတာလေ။ နိုင်ငံခြားဆိုတာ ပျော်စရာဘုံဗိမာန်လို့ ထင်နေခဲ့ဖူးတဲ့ ငါကတော့ နင်နဲ့နှစ်ယောက်တည်း ဂျပန်ကို သွားရမယ်ဆိုတုန်းက အရမ်းပျော်ခဲ့တာပေါ့။ လေယာဉ်ပေါ်မှာ ဘယ်လိုနေလိုက်မယ်... ဘာတွေစားလိုက်မယ်... ဘာတွေဝတ်လိုက်မယ်နဲ့... တွေးလို့ကို မပြီးနိုင်ဘူး။ နောက်တော့လည်း နင့်မိဘတွေသာ ပြန်ရောက်လာရော... နင်နဲ့ငါလည်း ဂျပန်မပြောနဲ့ .. ချောင်းသာတောင် အတူတူမသွားဖြစ်လိုက်ပါဘူး။ ဇလွန်တော့ တစ်ခေါက်ရောက်သေးတယ်နော်။

ဇလွန်သွားတုန်းက ငါက ရည်းစားရပြီးခါစ... ကားပေါ်မှာ အဖြူရောင်သူငယ်ချင်း အခွေကို ထပ်တလဲလဲ ဖွင့်နေကြတာလေ။ နင်နဲ့ငါနဲ့ အခြောက်စကားတွေ တလမ်းလုံးမိုးမွှန်အောင် ပြောခဲ့ကြတာ။ ဇလွန်ပြည်တော်ပြန် ဘုရားကြီးရဲ့ မုခ်လေးမုခ်ကနေ ငါးပါးသီလတွေဆိုပြီး ဘုရား ရှိခိုးကြတာ... အခုထိ အမှတ်တရရှိနေတုန်းပါပဲ ဟယ်။ ခရီးကပြန်တော့ ငါလည်း အခြောက်စကား တော်တော် ကျော်ရကွမ်း သွားတယ် ဟ။

....
ဆက်ပါဦးမည်။

ချစ်သူတို့ အကြောင်း

ချစ်တဲ့သူတွေ အကြောင်း ပြောရဦးမယ်။

ဓာတ်ပုံကတော့ Sydney Homebush Bay Drive နားက ပန်းခြံလေးမှာ မိသားစု ညနေခင်း ပျော်ပွဲစားထွက်တုန်းက ကျွန်မကိုယ်တိုင် ရိုက်ထားတာပေါ့။

ချစ်တဲ့သူတွေလို့ ပြောလိုက်တာနဲ့ ပထမဆုံးတစ်ယောက်ကတော့ ကို...ပဲ ဖြစ်ရမယ်လေ။ သူငယ်ချင်းတွေကို အုတ် လို့ မိတ်ဆက်ပေးပေမယ့် စကားထဲထည့်ပြောတော့ ယောက်ျားလို့ နာမ်စားသုံးဖြစ်တယ်။

၁၉၉၈ ကစလို့ အခုအချိန်ထိ နှစ်ပေါင်းများစွာ ဘ၀ရဲ့ ကောင်းခြင်းဆိုးခြင်း အနိမ့်အမြင့်တွေ ဝေမျှခံစားလို့ လက်တွဲထားတဲ့ လက်တွဲဖော်လေးပေါ့။ ကျွန်မအပေါ်မှာ နားအလည်နိုင်ဆုံးသူတစ်ယောက်ပါပဲ။ တခါတလေ ကျွန်မကိုယ်တိုင်ထက်တောင် ကျွန်မအကြောင်းကို သိနေသေးတယ် ထင်တာပဲ။ ကို နဲ့ ပတ်သက်ရင် ကျွန်မကိုယ်ကျွန်မ ကံအကောင်းဆုံးလို့ပဲ အမြဲယုံကြည်နေမိပါတယ်။

နောက်တစ်ယောက်ကတော့ သားသား။

ချစ်တဲ့ကို နဲ့ ကျွန်မကိုယ်တိုင်ရဲ့ အသွေးအသားလေးမို့ ဘ၀မှာ အရေးအကြီးဆုံးပါ။ သားလေး ဗိုက်ထဲမှာ ရောက်လာကတည်းက အရင်ကလို လွတ်လပ်ပျော်ပါးတာတွေ ဆုံးရှုံးသွားခဲ့ပေမယ့် တခါမှ နောင်တမရဘဲ သားလေးအနားမှာရောက်လာတာကို ဆုလာဘ်တစ်ခုလို သဘောထားပါတယ်။ သားလေးကို ပိုင်ဆိုင်နေရလို့ ရတဲ့ ပျော်ရွှင်မှုဟာ အရာရာကို ရင်ဆိုင်နိုင်ဖို့ အားတစ်ခုလိုပါပဲ။

ကို နဲ့ သားလေးကို စိတ်မညစ်စေချင်တာ စိတ်မဆင်းရဲစေချင်တာတွေက ကျွန်မဘ၀ရဲ့ နံပါတ်(၁)ဦးတည်ချက်ပါပဲ။ သူတို့နဲ့ ပတ်သက်ပြီးမှ အချစ်ဆိုတာကို ပိုပြီး နားလည်လာရတယ်။ အချစ်ဆိုက မျှော်လင့်ခြင်းကင်းမှပဲ ဖြူစင်မယ်လို့ အမြဲပဲ ယူဆပါတယ်။ ချစ်တဲ့သူတွေဆီက ဘာကိုမှ မမျှော်လင့်မိအောင် နေပေမယ့် တိတ်တိတ်လေး မျှော်လင့်ထားတာတွေ ရှိနေပြန်ရော...။ ကို့ကို ပိုင်ဆိုင်ရလို့ ပျော်တဲ့စိတ်နဲ့ တနေ့ကျရင် သားသားထွက်သွားတဲ့အခါ let go လုပ်နိုင်ဖို့ အားမွေးထားပါတယ်။

အခုတော့ ဘ၀မှာ ချစ်တဲ့သူတွေနဲ့ အတူ ပျော်ရွှင် အောင်မြင်တဲ့ဘ၀လေးတစ်ခု ထူထောင်ဖို့ ကြိုးစားနေရတဲ့ကာလပေါ့။ ဒီအချိန်တွေကို အတူတူ ရင်ဆိုင်ဖြတ်ကျော်နေရချိန်မှာ ကျွန်မတို့အားလုံးအနေနဲ့ ပေးဆပ်လိုက်ရတာတွေ ရင်းနှီးလိုက်ရတာတွေ ရှိတာပဲလေ။ ဒါတွေဟာ တချိန် ပြန်ကြည့်တဲ့အခါ ရယ်စရာလေးပဲ ဖြစ်ဖြစ် အမှတ်ရစရာလေးပဲ ဖြစ်ဖြစ် ကျန်နေဦးမှာပါ။

ဘ၀မှာ ဒီလိုပဲ လှေကားထစ်ပေါင်းများစွာကို တက်ခဲ့ပြီးပြီ။ ငယ်ငယ်ကတော့ မိဘတွေက တွန်းတင်ပေးတယ်ပေါ့။ နောက်တော့ တစ်ယောက်တည်း ကြိုးစားတက်ခဲ့တယ်။ နောက်ပိုင်းမှာ ကိုနဲ့အတူတူ တက်ရပြန်တယ်။ အခုတော့ သားလေးကို ချီပြီး တက်နေရတယ်။ လှေကားတစ်ထစ် တက်ပြီးတိုင်းမှာ အောင်မြင်မှုအတွက် ပျော်ရတယ်။ အမှတ်ရစရာလေးတွေ လွမ်းရတယ်။

နောင်တချိန်ကျရင် ဒီ ပို့စ်လေးကလည်း အမှတ်တရတစ်ခုအနေနဲ့ ကျန်နေပါစေလို့ ဆုတောင်းရင်း...

Downunder နှင့် ရွှေမြန်မာ - ၂

Australian Accent ဆိုတာက ကမ္ဘာမှာ နာမည်ကြီးမဟုတ်လား။ မွေးကတည်းက အင်္ဂလိပ်စကားပြောတတ်လာကြတဲ့ အင်္ဂလိပ်အစစ်တွေတောင် နားမလည်နိုင်တဲ့ အင်္ဂလိပ်လေယူလေသိမ်းပေါ့လေ။ ကျွန်မတို့မြန်မာပြည်က အင်္ဂလိပ်ကိုလိုနီ ဖြစ်ခဲ့ဖူးတော့ များသောအားဖြင့် အခေါ်အဝေါ်တွေက ဗြိတိသျှဘက်နွယ်တာပေါ့။ ဒါပေသိ အမေရိကန်ယဉ်ကျေးမှုကလည်း ဟောလိဝုဒ် ရုပ်ရှင်တွေနဲ့အတူ ထိုးဖောက်လာတော့ နားလည်လွယ်တဲ့ အမေရိကန်စကားလေးတွေကိုလည်း လူတွေက သဘောကျပြန်ရော...။ အနှစ်ချုပ်လိုက်တော့ ဟိုမရောက် ဒီမရောက် အင်္ဂလိပ်စကားဖြစ်သွားတာပေါ့လေ။ ဒါပေမယ့် သြစကြေးလျမှာကလည်း မြန်မာပြည်နဲ့ သိပ်မထူးဘဲ ဟိုမရောက် ဒီမရောက် ဖြစ်တာတွေတော့ ရှိပါတယ်။ အင်္ဂလိပ်ဘုရင်စနစ်ရဲ့ လွှမ်းမိုးမှုရယ် ဒုတိယကမ္ဘာစစ်က အမေရိကန်တွေရယ် လွှမ်းမိုးမှုရယ် လူမျိုးပေါင်းစုံစုဝေးနေထိုင်မှုရယ်တွေ ကြောင့်ပေါ့။


ဒါပေမယ့် မြန်မာတွေနဲ့ မတူတာက သြဇီတွေက အရမ်းစကားများတာပဲ။ ကျွန်မတစ်ယောက်တည်းရဲ့ အမြင်ပေမယ့် တော်တော်များများ ထောက်ခံပါတယ်။ ရောက်ခါစဆိုတော့ ကျွန်မကလည်း စကားကို ချွေတာ (အထာမကျသေးတော့ ရဲရဲဝံ့ဝံ့ မပြောတတ်) သူတို့ကလည်း စကားများလိုက်ကြတာဆိုတာ စူပါမားကက်မှာ ဈေးဝယ်ပြီး ပိုက်ဆံရှင်းရင် နေကောင်းလား အစချီပြီး ပြောလိုက်တာ ပေါက်ပေါက်ကို ဖောက်ရောပဲ။ တခါလည်း မဟုတ် နှစ်ခါလည်း မဟုတ်... ကြုံနေရတော့ ရောမရောက်ရင် ရောမလို ကျင့်ရမယ်လို့ပဲ ကိုယ့်ကိုယ်ကို ဆုံးမရတာပေါ့လေ။ ၀ဲကလည်းဝဲ စကားကလည်းများနဲ့ အူလည်လည်ဖြစ်ရပေါင်းကလည်း များပြီ။ မသိလို့ ပြန်မေးရင်လည်း အရှိန်ကို လျှော့ပြောရကောင်းမှန်းမသိ။ စွတ်ပြောနေကြတော့တာပဲ။ ဒီကြားထဲ သြဇီပေါက်မဟုတ်တဲ့ နိုင်ငံတကာကလာတဲ့ ကိုယ့်လို သူ့လိုလူတွေနဲ့ တွေ့ရင်တော့ ချာလပတ်ရမ်းပြီပဲ။

သြဇီစကား ထူးထူးဆန်းဆန်းလေးတွေ Aussie Slang ဆိုတာကလည်း ပြောလိုက်ကြတာ။ အကုန်လုံးကို အတိုကြိုက် ... Aussie, Woolie, Postie, Yewy, Surfie စသဖြင့် သူတို့ပြောတာတွေ မနည်းနားလည်အောင် ကြိုးစားရတယ်။ ကျေးဇူးတင်တယ်ဆို Ta တဲ့။ Mate ဆိုတာကလည်း ပြောလိုက်ကြတာ... တ မိုက် မိုက်နဲ့။

ပြီးတော့ အေ တွေကို အိုင် လို့အသံထွက်တာက အဆိုးဆုံး။ ကိုယ်က အေ လို့ ပြောရင် အီး လို့ ထင်တာလည်း ခဏခဏပဲ။ နောက်တော့ အေ လို့ မပြောဘဲ အိုင်လို့ ပြောလိုက်ရတယ်။

နေ့တိုင်း စကားလုံးတွေနဲ့ နပန်းလုံးနေရတာလည်း ပျော်စရာ တစ်ခုပေါ့လေ။

Downunder နှင့် ရွှေမြန်မာ

ရွှေမြန်မာတို့ အတွက် သြစတြေးလျ အကြောင်း-၁

သြစတြေးလျ မြေကို မနင်းရသေးခင် လေယာဉ်ပေါ်မှာ Declare or Beware ဆိုတဲ့ ကြော်ငြာတွေ တွေ့ရပါလိမ့်မယ်။ ဒီက Custom တွေက သိပ်ဆိုးတယ်လေ။ ဆိုးတယ်ဆိုလို့ ခပ်ဆိုးဆိုး အကောက်ခွန်တွေကို ပြေးမမြင်လိုက်နဲ့ဦး။ ဒီမှာက သူတို့ မြေပေါ်ကို ထိခိုက်မှာတွေ ပါလာမှာ စိုးကြတာပါ။ အဲ့ဒါကြောင့် အစားအသောက် တွေ သစ်ပင်ထွက် ပစ္စည်းတွေ မြေကြီးတွေ အကောင်ဗလောင်တွေ ဆေးဝါးတွေကို ဒီတိုင်းပေးမယူပါဘူး။ လေဆိပ်မှာ ကြေညာ ရပါတယ်။

လေဆိပ်မှာ အထူးလေ့ကျင့်ထားတဲ့ ခွေးလေးတွေလည်း ရှိတယ်။ အိတ်တွေကိုလည်း ဓာတ်မှန်ရိုက်ကြည့်ကြပါတယ်။ အဲ့ဒါကြောင့် ခိုးသယ်မယ်ဆိုတာ လုံးဝ မဖြစ်နိုင်ပါဘူး။ ကြေညာလိုက်ပြီးရင် လူတန်းစီတာ စောင့်ရတာက လွဲလို့ ဘာမှ ပြသနာ မရှိပါဘူး။ ဒါပေမယ့် အသား ၊ ပဲစေ့ ၊ တိုင်းရင်းဆေး စတာတွေကို ပေးမယူလိုပါဘူး။ စောစောစီးစီးကတည်းက အဲ့ဒီ ပစ္စည်းတွေ သယ်မလာရင်တော့ အကောင်းဆုံးပါပဲ။ ပိုက်ဆံကိုလည်း အော်စီဒေါ်လာ ၁၀၀၀၀ ထက်ကျော်ရင် ကြေညာရပါမယ်။ အထူး သတိထားရမှာကတော့ လွတ်တယ်ဆိုတာ မရှိပါဘူး။ သူတို့က အရမ်း တိကျပြီး အဖမ်းအဆီးကောင်းပါတယ်။ တိုင်ဆိုင်ရင်တော့ တီဗီမှာလာတဲ့ Border Security ဆိုတဲ့ စီးရီးမှာ ပါနေပါဦးမယ်။ တိုင်းသိပြည်သိ ဖြစ်သွားတာပါ့လေ။

ခိုးသယ်လို့ မိသွားရင် ဒဏ်ကြေးက အရမ်းများပါတယ်။ ပြီးတော့ နောက်တစ်ခါ ၀င်တိုင်း ၀င်တိုင်းမှာ စစ်ဆေးမယ်တို့ ဘာတို့ ဖြစ်ကုန်ပါရော။ ဇာတ်လမ်း အင်မတန်ရှုပ်လို့ ကြေညာစရာ ရှိတာ ကြေညာဖို့ လိုပါတယ်လို့ပဲ ပြောပါရစေ။ အလွယ်ကူဆုံး အကြံပေးချင်တာကတော့ ကြေညာမယ့် ပစ္စည်းတွေကို ဖွင့်ရ ပြုရလွယ်တဲ့ အိတ်ထဲမှာ ထည့်လာတာကတော့ အချိန်ကုန် လူပန်း သက်သာစေပါတယ်။

ဆက်ရန်...

ငါ မသိတဲ့ငါ

စဉ်းစားမိတယ်...

ငါဟာ တည်ငြိမ်သူလား ငါဟာ သွေးဆူတတ်သူလား
ငါဟာ ရဲဝံ့သူလား ငါဟာ ကြောက်တတ်သူလား
ငါဟာ ထူးချွန်သူလား ငါဟာ ထုံထိုင်းသူလား
ငါဟာ စကားပြောကောင်းသူလား ငါဟာ ဆွံ့အတတ်သူလား
ငါဟာ ပွင့်လင်းသူလား ငါဟာ လျှို့ဝှက်သူလား
ငါဟာ ချစ်တတ်သူလား ငါဟာ စိတ်ပြတ်သူလား
ငါဟာ အပေါင်းအသင်းမင်သူလား ငါဟာ တစ်ယောက်တည်းနေလိုသူလား
ငါဟာ ခွင့်လွှတ်တတ်သူလား ငါဟာ နာကျည်းတတ်သူလား
ငါဟာ သည်းခံတတ်သူလား ငါဟာ အနိုင်ယူတတ်သူလား
ငါဟာ ရောင့်ရဲတတ်သူလား ငါဟာ လောဘကြီးသူလား
ငါဟာ ကြိုးစားသူလား ငါဟာ ပျင်းရိသူလား

လား လား လား လား

ဒီမေးခွန်းတွေအတွက် ငါ့မှာ အဖြေမရှိခဲ့ပါ။ တကယ်တော့ငါဟာ အစွန်းနှစ်ဖက်ကြားမှ မျှခြေတစ်ခုကို လုံးပန်းနေရတဲ့ လူသားတစ်ယောက်သာ ဖြစ်ပါသည်။

(ငါ ဆိုသည်မှာ ဖယောင်းတိုင် ဟု မသက်ရောက်စေရ)

ပန်းရောင်နဲ့ အပြာရောင်

ကျွန်မတို့စုံတွဲကို သူငယ်ချင်းတွေထဲမှာ တစ်ဂိုး ဂိုးမရှိနဲ့ ဗိုလ်စွဲထားတယ်လို့ ပြောစမှတ်ပြုကြတာကတော့ သားလေး မွေးထားလို့ပေါ့။ မြန်မာတွေမှာ ယောက်ျားလေး မိန်းမလေး ခွဲခြားတယ်ဆိုတာ မရှိဘူးလို့ ဘယ်လောက်ပဲ မျက်စိစုံမှိတ်ငြင်းငြင်း ယောက်ျားလေးမွေးလိုက်ရင်တော့ တပန်းသာတယ်လို့ ယူဆကြတာများပါတယ်။ အမှန်အတိုင်း ၀န်ခံရရင်တော့ ကျွန်မကတော့ ကိုယ့်သားသမီးဆို ဘာလေးပဲ ဖြစ်ဖြစ် ချစ်မှာပဲမို့ သားလေးဖြစ်လို့ ပိုချစ်မိတယ်လို့တော့ မထင်မိပါဘူး။

အခုရေးချင်တဲ့ အကြောင်းက သားလေးကို အပြင်တွေ ခေါ်သွားရင် မိန်းကလေးနဲ့ မှားကြတာပါပဲ။

ဘယ်ကလေးမဆို ငယ်တုန်းမှာ ရုပ်ရည်ရော အသံရောက မိန်းကလေး ယောက်ျားလေး ကွဲပြားလှအောင်တော့ မရှိပါဘူး။ အရွယ်ရောက်လို့ လူပျိုပေါက် အပျိုပေါက် ဖြစ်မှသာ အသွင်အပြင်ကွဲပြားသွားတာ မဟုတ်လား။ ငယ်တုန်းကတော့ မိဘ ဆင်ပေးသလိုပဲ ကလေးက ပုံစံထွက်တာပေါ့လေ။


ဒါပေမယ့် လူတွေကပဲ သတိမထားတာလား မသိဘဲ မသိတာလား တမင်ပဲ ပြောတာလားတော့ မပြောတတ်ပါဘူး။ ဂျင်းဘောင်းဘီနဲ့ ရှပ်အင်္ကျီနဲ့ ဝေါ့ကင်းရှုးနဲ့ ကလေးကိုလည်း မိန်းကလေးလို့ ထင်ကြတယ်။ ဆိုင်တွေမှာ မိန်းကလေး အသုံးအဆောင်တွေက များသောအားဖြင့် ပန်းရောင်ဖြစ်ပြီးတော့ ယောက်ျားလေးအတွက်ဆို အပြာရောင်တွေပါပဲ။ အနီရောင် အစိမ်းရောင်တွေကတော့ ကြားထဲက အရောင်ပေါ့လေ။ ကလေးမွေးတယ်ဆိုလို့ ဘာလေးမှန်း မသိရင် လက်ဆောင်ပေးတဲ့အခါ အဲ့လို ကြားရောင် လေးတွေ ပေးလို့ကောင်းတာပေါ့။

မယုံမရှိနဲ့... ယောက်ျားလေးမွေးလည်း ပန်းရောင် လက်ဆောင်ပေးတဲ့ အကျင့်က တို့တိုင်းပြည်မှာ ရှိကို ရှိသေးတယ်။ သားလေးမွေးတုန်းက ချက်ကြိုးဖြတ်ပြီးရင် ညှပ်တဲ့ ကလစ်လေးကို ပန်းရောင်တပ်မယ်လုပ်လို့ စိတ်ဆိုးရသေးတယ်။ နောက်မှ ဆေးရုံတကာ ပတ်ရှာဝယ်ပြီး အပြာရောင် ကလစ်လေး ရလာတယ်။ ယောက်ျားလေးကို ပန်းရောင်ကလစ်လေး ချက်မှာတပ်ထားရင် ဘယ်လောက်ဆိုးမလဲ တွေးသာကြည့်ကြပါတော့...။ အဲ့ဒါကို မဆိုးဘူး... ကလေးပဲ ဘာသိမှာလဲ... ကဲကို ကဲတယ်လို့ ထင်ကြသူတွေလည်း ရှိပါတယ်။ ကလေးကလည်း လူပဲမို့ တန်ဖိုးထားပြီး ဆက်ဆံသင့်တယ်လို့ ကျွန်မကတော့ မြင်ပါတယ်။ ကျွန်မ သမီးလေးမွေးရင်လည်း ကလေးချက်မှာ အပြာရောင် ကလစ်ကြီး လာတပ်မယ်ဆိုရင် ပျော်နိုင်မယ် မထင်ပါဘူး။ ပန်းရောင်နဲ့ အပြာရောင် ၂ မျိုးပဲ ရှိတဲ့ ကလစ်တွေက ဘာအတွက်လဲဆိုတာ ရှင်းနေတာပဲ...ဒါပေမယ့် ဂရုမစိုက်ဘဲ ပစ်စလက်ခတ် လုပ်နေကြတုန်းပါပဲ။

သားလေးမွေးပြီးတော့လည်း ပန်းရောင်အသုံးအဆောင်တွေ ပေးလိုက်ကြတာ။ ခင်လို့ မင်လို့ လက်ဆောင်ပေးတာပေမယ့် အသုံးမတည့်တာကြီးပေးတော့ ဖီလင်တော့ အောက်တာပေါ့လေ။ မသိလို့ ပေးတဲ့သူရဲ့ အပြစ်လား... သိလို့ မသုံးချင်သူရဲ့ အပြစ်လား တော့ မပြောတတ်တော့ပါဘူး။ နှမြောဖို့တော့ ကောင်းတာပေါ့။ နောက် မိတ်ဆွေထဲမှာ မိန်းကလေးမွေးရင် ပြန်ပေးဖို့ပဲ သိမ်းထားလိုက်ရတယ်။

မြန်မာပြည်မှာက ထားပါတော့။ ဒီမှာနေတာကြာတဲ့ မြန်မာတွေ မှားကြတာကတော့ ပိုဆိုးတာပေါ့လေ။ ယောက်ျားလေး မိန်းကလေး အသုံးအဆောင် အ၀တ်အစား အကုန် သပ်သပ်စီ ရှိနေတာ။ မသိဘူးဆိုရင်လည်း သမီးလေးလား သမီးလေးလားနဲ့ မမေးနဲ့ ပေါ့။ ကျွန်မကတော့ စိတ်မဆိုးတတ်ပေမယ့် သားလေးအဖေကတော့ မကြိုက်ဘူးလေ။ သားမှသား ဆိုပြီး အဖြစ်သည်းနေတာကို သမီးလေးလား လို့ အမေးခံရတာ တော်တော်ဆိုးပါတယ်။ အခင်အမင်ပျက်သွားရင်လည်း ကိုယ်က သဘောထားသေးရာ ရောက်ဦးမယ်။

အဲ့ဒါကြောင့်ပဲ ရှေးလူကြီးတွေက မရှိတာထက် မသိတာခက်လို့ ပြောကြတာပေါ့။

ဖယောင်းတိုင်လေး တစ်တိုင်

ဘလော့ဂ်ဆိုတာကို စပြီး ကြားဖူးတာကတော့ လွန်ခဲ့တဲ့ ၂ နှစ် ၃ နှစ်လောက်က မဒီဂျွန်တို့ ညီအစ်မတွေနဲ့ ချတ်တင်းလုပ်ဖြစ်ရင်းကပါ။ သူတို့တွေက ရေးပါလားလို့ ဖိတ်ပေမယ့် မရေးဖြစ်ခဲ့ပါဘူး။ နေးတစ်ဖိုရမ်မှာ ဘလော့ဂ်အကြောင်းတွေ ပြောကြတော့လည်း ဘာမှ မသိလို့ ၀င်မပြောဖြစ်ခဲ့ပါဘူး။

အခုတော့ ဘလော့ဂ်လေးတစ်ခုတော့ လုပ်ဦးမှ ဆိုတဲ့ စိတ်ပြန်ပေါ်လာတာနဲ့... စမ်းကြည့်လိုက်ပါတယ်။ မြန်မာလိုလေး ရေးရမယ်ဆိုတော့ ပိုပြီး အားရှိသွားတာပေါ့လေ။ သူများတွေလိုတော့လည်း လှလှပပတွေ မလုပ်တတ်သေးပါဘူး။ ကြိုးစားပြီး သင်ယူရပါဦးမယ်။

သူများကို အကျိုးပြုနိုင်ဖို့အထိတော့လည်း မရည်ရွယ်ရဲပါဘူး။ ကိုယ်ပြောချင်တာလေးတွေ ရေးမှတ်ထားလိုက်မယ်ဆိုတဲ့ စိတ်ပဲ ရှိပါတယ်။ ကိုယ့်အတွက် နေးတစ်ဖိုရမ်ပြီးရင် နောက်ထပ် ထွက်ပေါက်လေးတစ်ပေါက်ပေါ့လေ။

အခုလောလောဆယ် စဉ်းစားလို့ ရတာကတော့ ရေးဖြစ်မယ့် အကြောင်းအရာတွေက ကိုယ်နဲ့ နီးစပ်တဲ့ ပတ်ဝန်းကျင်က အကြောင်းတွေပဲ ဖြစ်မှာပါ။ သားလေး အကြောင်း၊ သြစတြေးလျအကြောင်း၊ အလုပ်အကြောင်း၊ မိသားစု အကြောင်းတွေပဲ တွေးကြည့်လို့ ရပါသေးတယ်။

ပထမဆုံး ကျွန်မရဲ့ နစ်ခ်အကြောင်းစပြီး ရေးပါ့မယ်။ ဖယောင်းတိုင်ဆိုတဲ့ နာမည်လေးကို သဘောကျလို့ ယူဖြစ်သွားတာပါ။ ဖယောင်းတိုင်လေးတွေမှာ အလင်းရောင်လေးက မှိန်မှိန်လေးပေမယ့် တတ်အားသရွေ့ လင်းနေရတဲ့ သဘာဝလေးကို သဘောကျတာ အဓိကပါ။ ဖယောင်းတိုင်ဆိုတာ နေမင်းကြီးလောက်တော့ ထိန်ထိန်သာမနေပေမယ့် နီးစပ်ရာလေးမှာ အလင်း အပူ ရနံ့ ပေးတတ်တယ်လေ။ ဖယောင်းတိုင်လေးတွေကြောင့် အကျိုးရှိတဲ့သူတွေ ရှိသလို မသိမသာ နေလိုက်လည်း ဘာမှ မထူးခြားသွားပါဘူး။ ကိုယ်တိုင်ကလေး ဖယောင်းတိုင်လေး တစ်တိုင်လိုပဲ တိတ်တိတ်လေးပဲ ထွန်းလင်းနေချင်ပါတယ်။

နောက်တစ်ချက်ကတော့ ဖယောင်းတိုင်ဆိုတော့လေ... မီးမလာတဲ့ အရပ်မှာဆိုရင် အလင်းရောင်ရဖို့ ထွန်းပစ်လိုက်တာနဲ့ ခဏလေး ကုန်သွားမှာပေမယ့်... မီးလာတဲ့ အရပ်တွေမှာ တန်ဖိုးထားပြီး ထွန်းကြတယ်မဟုတ်လား။ ကျွန်မကတော့ ဖယောင်းတိုင်ပီပီ မီးလာတဲ့ အရပ်မှာပဲ ပျော်ပါတယ်။

ကျေးဇူးတင်လွှာ

ကဲ... အခုတော့ မြန်မာလို စာရိုက်လို့ အဆင်ပြေသွားပါပြီ။ အစအဆုံး ကူညီပေးတဲ့ နေးတစ်က ညီမလေး ပီစပိရစ်နဲ့ ... လိုအပ်သည်များဆွဲချလို့ရအောင် လင့်ခ်ပေးထားသော ညီလင်းဆက်ကို ကျေးဇူးတင်ကြောင်း ဦးစွာပထမ ရေးသားလိုက်ရပါသည်။

First Post!

Welcome to my blog. I have heard of blogs for a long time but never had a chance to start one. Now I realize myself to have a good blog. However I still need to learn many things... because I do not know anything about blogging.

Alright... visit here often! G'day...